روس کا شہر سراتوو

شہر سراتوو ماسکو سے 858 کلومیٹر جنوب مشرق کی طرف وولگا ندی کے کنارے واقع ہے۔ سراتوو کی آبادی 8 لاکھ 43 ہزار ہے۔ یہ شہر سن 1590 میں قائم کیا گیا۔ 18ویں صدی میں یہ مچھلیوں اور نمک کی تجارت کا اہم مرکز تھا، 19ویں صدی میں اناج کی تجارت کا مرکز بن گیا اور 20ویں صدی میں اس میں صنعت کی ترقی شروع ہوئی۔ اس میں مشین سازی، آلات سازی، غذائی اشیاء کی پیداوار موجود ہیں۔ سراتوو وولگا ندی سے منسلک علاقے کا اہم تعلیمی مرکز ہے۔ شہر کی پہلی یونورسٹی سن 1909 میں قائم کی گئی۔ اس وقت سراتوو میں بیس سے زیادہ اعلی تعلیمی ادارے موجود ہیں۔