افغانستان کے ساتھ 2 سال سے جاری کشیدگی ختم ہوگئی، سرتاج عزیز

اسلام آباد: خارجہ امور اور قومی سلامتی كے مشير سرتاج عزيز نے كہا ہے كہ پرامن ہمسائے پاكستان كی خارجہ پاليسی كی اولين ترجيح ہے اور افغانستان کے ساتھ گزشتہ 2 سال سے جاری کشیدگی ختم ہوگئی جبکہ دوطرفہ معاشی اور تجارتی تعلقات میں بہتری آئی ہے۔

ایک انٹرویو میں قومی سلامتی کے مشیر کا کہنا تھا کہ پرامن ہمسائيوں  كے بغير معاشی ترقی كا ہدف حاصل نہيں  كیا جا سکتا، مقاصد كے حصول كيلئے خارجہ پاليسی ميں  بنيادی تبديلياں  لائی گئی ہيں۔ انہوں  نے كہا كہ بھارت سے تعلقات بہتربنانے كيلئے اقدامات كئے گئے ہيں تاہم افغانستان كے ساتھ گزشتہ دو سال سے جاری كشيدگی ختم ہوگئی اور دوطرفہ معاشی اور تجارتی تعلقات بہتر ہوئے ہيں۔

امريكا كے ساتھ تعلقات كے بارے ميں  سرتاج عزيز نے كہا كہ ہم امريكا كے ساتھ خصوصا تجارت اور معيشت كے شعبوں  ميں  آزادانہ تعلقات قائم كررہے ہيں جبکہ چین کے ساتھ بھی تعلقات اہم ہیں۔ ايك سوال پر سرتاج عزيز نے كہا كہ حكومت نے ڈرون حملوں  پر واضح موقف اختيار كيا ہے اور اس مسئلے پر حكومت كو بين الاقوامی حمايت حاصل ہورہی ہے۔

کولوراڈو کی دکانوں میں گانجے کی فروخت شروع

امریکی ریاست کولوراڈو کی دکانوں میں یکم جنوری 2014 سے گانجے کی فروخت کی اجازت سے ایک نئی تاریخ رقم ہوگئی ہے۔

کولوراڈو یہ قدم اٹھانے والی پہلی امریکی ریاست بن گئی ہے۔

ریاست میں 30 کے قریب دکانوں پر نئے سال کے آغاز سے ہی تفریحی مقصد کے لیے بھی گانجے کی فروخت شروع ہونے کی توقع ہے۔

کولوراڈو اور واشنگٹن کی ریاستوں نے 21 نومبر 2012 کو 21 برس سے زیادہ عمر کے افراد کے گانجا رکھنے اور اسے استعمال کرنے کو قانونی قرار دے دیا تھا۔

کولوراڈو کے برعکس واشنگٹن میں اس کی فروخت 2014 کے وسط سے قبل شروع نہیں ہوگی۔

یہ دونوں ریاستیں ان 20 امریکی ریاستوں میں بھی شامل ہیں جو گانجے کی طبی مقاصد کے لیے فروخت کی بھی منظوری دے چکی ہیں تاہم امریکہ کے وفاقی قانون کے تحت تاحال یہ غیرقانونی ہے۔

20 امریکی ریاستوں میں گانجے کی طبی مقاصد کے لیے فروخت کی اجازت ہے

جن دکانوں پر گانجا فروخت ہوگا وہاں کے مالکان نے فروخت کے آغاز کو گانجے کے سبز رنگ کی مناسبت سے ’گرین وینزڈے‘ یا سبز بدھ کا نام دیا ہے۔

مالکان نے اس موقع پر سکیورٹی کے مزید انتظامات بھی کیے ہیں، تاہم ایک دکاندار کا کہنا ہے کہ وہ نہیں جانتے کہ ردعمل کس قسم کا ہوگا۔ریاستی دارالحکومت ڈینور کے نواحی علاقے نارتھ گلین کے دکاندار رابن ہیکٹ کا کہنا ہے کہ ’یہ پاگل پن بھی ہو سکتا ہے۔ کون جانے کیا ہوگا؟ آج سے قبل ایسا ہوا جو نہیں ہے۔

نئے قوانین کے تحت گانجا الکحل کی طرح فروخت کیا جائے گا اور جہاں مقامی گاہک ایک اونس تک گانجا خرید سکیں گے وہیں ریاست سے تعلق نہ رکھنے والے افراد ایک چوتھائی اونس گانجا ہی خرید پائیں گے۔

قانون کے مطابق گانجا صرف نجی مقامات پر ہی پیا جا سکے گا اور اس کے لیے بھی صاحبِ خانہ کی اجازت ضروری ہوگی۔

حکام نے گانجے پر الکحل کی طرح کا ٹیکس بھی عائد کیا ہے جس سے کروڑوں ڈالر آمدن کی توقع کی جا رہی ہے۔ مقامی اخبار ڈینور پوسٹ کے مطابق ابتدائی چار کروڑ ڈالر کو سکولوں کی تعمیر کے لیے استعمال کیا جائے گا۔

کولوراڈو میں کل 136 دکانوں کو گانجے کی فروخت کا لائسنس دیا گیا ہے جن میں سے بیشتر ڈینور میں ہیں۔ اس کے برعکس کچھ علاقوں میں مقامی آبادی نے دکانوں پر گانجا رکھنے کے خلاف بھی ووٹ دیا۔

‘

کوئٹہ :زائرین کی بس پر خودکش حملہ،2 افراد جاں بحق، 31 زخمی

کوئٹہ…کوئٹہ میں ایران سے واپس آنے والے زائرین کی بس پر خودکش دھماکے کے نتیجے میں دو افراد جاں بحق جبکہ 31زخمی ہوگئے۔ دھماکے کے بعد بس جل کر تباہ ہوگئی۔ شیعہ تنظیموں کی جانب سے تین روزہ سوگ کا اعلان کردیا گیا۔کوئٹہ میں نئے سال کا آغاز دہشت گردی سے ہوا ہے۔ زائرین کی بس پر خودکش حملے میں دو افراد جاں بحق اور 31زخمی ہوگئے۔ سال نوکے پہلے روزدہشت گردی کا واقعہ کوئٹہ کے نواحی علاقے اخترآباد میں پیش آیا۔ پولیس اور بم ڈسپوزل اسکواڈ کے مطابق خود کش حملہ آور نے ایران سے آنے والی زائرین کی بس کو نشانہ بنایا اور دھماکا خیز مواد سے بھری اپنی گاڑی کو بس سے ٹکرا دیا جس کے نتیجے میں بس الٹ گئی اور دو افراد جاں بحق جبکہ 31زخمی ہوگئے۔بس کی سیکیورٹی پر مامور پولیس موبائل میں سوار 6اہلکار بھی زخمی ہوئے۔ تاہم کچھ مسافر خود ہمت کرکے بس سے نکلے۔ اس دوران پولیس اور مقامی لوگوں نے موقع پرپہنچ کرزخمیوں کوبس سے باہر نکالا۔ دھماکے کے بعد خود کش حملہ آور کی گاڑی میں آگ لگ گئی، جس سے بس بھی مکمل طورپر جل گئی۔ شیڈول کے مطابق بس زائرین کو لے کر علمدار روڈ جارہی تھی۔ پولیس کے مطابق بس میں سوار زیادہ تر مسافروں کا تعلق صوبہ خیبر پختونخوا سے ہے۔ دھماکے کے بعد ایف سی اور پولیس نے علاقے کو گھیرے میں لے لیا۔ زخمیوں کو ریسکیو ٹیموں نے بولان میڈیکل کمپلیکس اسپتال اور سی ایم ایچ منتقل کردیا، جہاں ایمرجنسی نافذ کردی گئی۔ اسپتال ذرائع کے مطابق کچھ زخمیوں کی حالت تشویشناک ہے جس سے ہلاکتوں میں اضافے کا خدشہ ہے۔ بم ڈسپوزل اسکواڈ کا کہنا ہے کہ حملے میں 80سے 100کلو تک دھماکا خیز مواد استعمال کیاگیا۔ دوسری جانب تحفظ عزاداری کونسل اور مجلس وحدت مسلمین نے دھماکے کے خلاف تین روزہ سوگ کا اعلان کیاہے۔ گورنر و وزیراعلیٰ بلوچستان کے علاوہ بلوچستان شیعہ کانفرنس، ہزارہ ڈیموکریٹک پارٹی، پشتونخوا میپ، ایم کیو ایم کوئٹہ زون سمیت مختلف جماعتوں نے دھماکے کی شدید مذمت کی ہے۔

کوری اینڈرسن نے شاہد آفریدی کا ریکارڈ توڑ دیا ویڈیو دیکھیں کلک لنک

https://www.facebook.com/photo.php?v=197657817094027

 

نیوزی لینڈ کے بلے باز کوری اینڈرسن نے 36 گیندوں پر سنچری بنا کر ایک روزہ کرکٹ کی تیز ترین سنچری کا ریکارڈ اپنے نام کر لیا ہے۔

انھوں نے یہ کارنامہ بدھ کو ویسٹ انڈیز کے خلاف کھیلے گئے میچ میں سرانجام دیا اور نیوزی لینڈ نے اس میچ میں ویسٹ انڈیز کو 159 رنز سے شکست دی۔

امریکا :گہرے کنویں میں گرنیوالی 7سالہ بچی کو بحفاظت نکال لیا گیا

جارجیا…امریکی ریاست جارجیا میں سات سالہ بچی کو ریسکیو ٹیم نے بحفاظت 50فٹ گہرے گڑھے سے باہر نکال لیا جو کھیلتے ہوئے کنویں میں گر گئی تھی ۔بچی کی کافی ہڈیاں ٹوٹنے کے ساتھ ساتھ اس کے دماغ پر بھی شدید چوٹ آئی جس کے باعث اس کی حالت کافی تشویش ناک اور نازک ہے۔ اس موقع پرفائر فائٹرز کو داد دینی پڑے گی جنہوں نے غیر معمولی چستی کا مظاہرہ کرتے ہوئے فوری موقع پر پہنچ کرکنویں میں رسی پھینک کر بچی کو آہستہ آہستہ باہر کھینچ نکالا اور فوراً طبی امدادکیلئے اسپتال روانہ کر دیا۔

تیز ترین سنچری کا ریکارڈ ٹوٹناحیران کن ہے، شاہد آفریدی

کراچی…آل راؤنڈر شاہد آفریدی نے کہا ہے کہ تیز ترین سنچری کا ریکارڈ ٹوٹنا میرے لئے حیران کن ہے، مجھے یقین تھا کہ میراریکارڈ نہیں ٹوٹ سکتا۔ جیو نیوز سے گفتگو کرتے ہوئے شاہدآفریدی کا کہنا تھا کہ 17سال تک تیزترین سنچری کاریکارڈمیرے نام رہا، خواہش تھی کہ کیریئرکے اختتام تک ریکارڈ میرے پاس رہے لیکن ایسا نہ ہوسکا۔ شاہدآفریدی نے کہا کہ خواہش ہے کہ ون ڈے میں 400 وکٹیں اور 8 ہزاررنزمکمل کروں۔ کیوی بیٹسمین کورے اینڈرسن نے آج ویسٹ انڈیز کے خلاف تیسرے ایک روزہ انٹرنیشنل میچ میں صرف 36 گیندوں پر سنچری اسکور کرکے آفریدی کا تیز ترین سنچری کا ریکارڈ توڑدیا۔اس سے قبل آل راؤنڈر شاہد آفریدی نے 1996 میں سری لنکا کے خلاف 37 گیندوں پر تیز ترین سنچری اسکور کی تھی۔

کبھی دیکھی ہے پہیہ کے اندر بنی موٹر بائیک!

لندن…نت نئے ڈیزائن کی تیز رفتار بائیک رکھنے کے شوقین تو بہت سے لوگ ہوں گے لیکن یہ نوجوان تو کچھ الگ ہی قسم کے شوق میں مبتلا نظر آتا ہے۔عام طور پر بائیک میں پہیہ نصب کر کے اسے تیز رفتاری سے چلنے کے قابل بنایا جا تا ہے لیکن ان نوجوان انجینئرز نے ایک بڑے پہیہ کے اندر انجن لگا ایسی انوکھی سواری تیار کر لی ہے جسے دیکھ کر لوگ بے ا ختیار پلٹ کر دیکھنے پر مجبور ہو جاتے ہیں۔آج کے جدید دور میں ٹیکنالوجی کی بدولت ہر چیزمختلف روپ دھارے نظر آتی ہیں اس نوجوان کا یہ انوکھا شوق بھی کچھ کم حیران کن نہیں۔ ٹھیک ہی کہا جاتا ہے کہ شوق کا کوئی مول نہیں ہوتا!

سندھ حکومت نے کراچی آپریشن کیلئے وفاق سے پونے 4 ارب مانگ لیے

کراچی…حکومت سندھ نے کراچی آپریشن کی مد میں وفاق سے پولیس اور محکمہ جیل خانہ جات کے لئے پونے چار ارب روپے مالیت کی بکتر بندگاڑیاں اور جدید آلات مانگ لئے۔سندھ حکومت نے کراچی آپریشن کے لئے لاجسٹک سپورٹ کے لئے اپنی ضروریات کی تفصیلات وفاقی وزارت داخلہ کو بھیج دی ہیں۔ صوبائی حکومت نے وفاقی وزارت داخلہ سے جدید بکتر بندگاڑیاں، بلٹ پروف جیکٹس، ہیلمٹ، موبائل جیمر، جی ایس ایم لوکیٹرز، سی سی ٹی وی کیمرے، نائٹ ویژن گوگلز سمیت دیگرآلات فراہم کرنے کی درخواست کی ہے۔ یہ گاڑیا ں اور جدید آلات محکمہ پولیس اور محکمہ جیل خانہ جات کے لئے مانگا گیا ہے جس کی مالیت چار ارب روپے کے قریب ہے۔وفاقی حکومت کو لکھے گئے مراسلے میں بتایا گیا ہے کہ وزیراعظم نواز شریف نے گزشتہ دورہ سندھ میں کراچی میں امن و امان کے لئے ٹارگٹڈ آپریشن کے لئے ہرقسم کی لاجسٹک سپورٹ فراہم کرنے کی یقین دہائی کرائی ہے۔

غلط پالیسیاں آئی ایم ایف کے نرغے میں لے آتی ہیں، وزیراعظم

اسلام آباد…وزیراعظم میاں نواز شریف نے کہاہے کہ روپے کی قدر میں کمی سے قرضے بڑھے، غلط پالیسیوں کی وجہ سے آئی ایم ایف کے نرغے میں آجاتے ہیں، وفاقی کا بینہ کے اجلاس سے خطاب میں ان کا کہنا تھا کہ آج اجلاس میں میڈیا کو بریفنگ دینے کافیصلہ اس لیے بھی کیا گیا کہ میڈیا کوحقیقت کا پتہ ہونا چاہیے۔اسلام آباد میں وفاقی کا بینہ کے اجلاس سے خطاب کرتے ہوئے وزیراعظم میاں نواز شریف نے کہا کہ روپے کی قدر میں کمی سے قرضے بڑھے، غلط پالیسیوں کی وجہ سے آئی ایم ایف کے نرغے میں آجاتے ہیں، 90 کی دہائی میں بھی آئی ایم ایف کے نرغے سے نکل آئے تھے، خدا کرے قرضوں سے جان چھوٹ جائے، وزیراعظم نے کہاکہ معیشت کی بحالی اولین ترجیح ہے، ماضی کی غلط پالیسیوں کی وجہ سے بجلی بحران کا سامنا ہے، لائن لاسز کم کرنے اور ترسیل کے نظام کوبہتر بنانے کیلئے اقدامات کررہے ہیں، کوئلے ،ہوا، پانی اور سورج سے بجلی پیدا کرنے کے منصوبوں پر کام کررہے ہیں۔کابینہ کو بریفنگ دیتے ہوئے وزیر خزانہ اسحاق ڈار نے بتایاکہ وزیراعظم اور وفاقی وزرا کے صوابدیدی فنڈز ختم کردیئے گئے ہیں، جبکہ خودمختار اداروں کو بھی 45 دن میں غیر ضروری اخراجات ختم کرنے کی ہدایت کی گئی ہے۔وزیر خزانہ اسحاق ڈار نے کہاکہ گردشی قرضوں کی ادائیگی سے ایک نہیں کئی فائدے ہوئے ہیں، مزید بجلی سسٹم میں آئی، روزگار بڑھا اور 54 ارب روپے سالانہ کی بچت بھی ہوگی۔وزیر خزانہ نے اس تاثر کو رد کردیا کہ موجودہ حکومت نے اپنے چھ ماہ میں ہی گذشتہ دور حکومت سے زیادہ نوٹ چھاپ لیے۔

غداری کا مقدمہ ،مشرف کو کل ہر صورت پیش کرنے کا حکم

اسلام آباد…پرویز مشرف کے خلاف غداری کا مقدمہ سننے والی خصوصی عدالت نے کل مشرف کو ہر صورت عدالت میں پیش کرنے کا حکم دے دیا، آئی جی پولیس کا کہنا ہے کہ مشرف کو عدالت آنے میں کوئی خطرہ نہیں ہوگا۔مشرف کو کل ہر صورت عدالت پیش کیا جائے۔ جسٹس فیصل عرب کی سربراہی میں تین رکنی خصوصی عدالت کیس کی سماعت کررہی ہے۔ سابق صدر پرویز مشرف آج بھی عدالت میں پیش نہیں ہوئے۔مشرف کے وکلا کی طرف سے عدم پیشی کی وجہ سیکیورٹی کا مناسب انتظام نہ ہونا بتائی گئی، عدالت نے آئی جی سے استفسارکیا کہ پرویز مشرف کا عدالت تک سفر محفوظ ہے تو انہوں نے کہا کہ بالکل محفوظ ہے ، ملزم کو کوئی خطرہ نہیں ہوگا، انہوں نے کہا کہ سیکیورٹی کیلئے ایک ہزار اہل کار تعینات کیے گئے۔جسٹس فیصل عرب نے کہا کہ سمن جاری ہو چکے ، عدالت نہیں چاہتی کہ پرویز مشرف کی کی تضحیک ہو،کل لازمی پیش کیا جائے۔مشرف کے وکلا نے خصوصی عدالت کو تشکیل کے خلاف دلائل دیتے ہوئے کہا کہ ججز کی نامزدگی کے لیے چیف جسٹس پاکستان کا آفس استعمال کیا گیا جو درست نہیں ، پرویز مشرف کے پی سی او پر حلف سے انکار کرنے والے شخص کو خصوصی عدالت کا سربراہ بنا دیاگیا۔ جسٹس فیصل عرب نے کہا کہ ہمارا اس کیس سے کوئی ذاتی مفاد نہیں۔ انور منصور نے بنچ کے دیگر دو ججز جسٹس یاور علی اور جسٹس طاہرہ صفدر پر بھی اعتراضات اٹھائے جو غلط ثابت ہوئے۔