پی سی بی کے عبوری چیئرمین نجم سیٹھی نے ایشین کرکٹ کونسل
کے صدر اشرف الحق کو لکھے گئے خط میں کہا ہے کہ بنگلہ دیش میں سیاسی
کشیدگی کے باعث تحفظات ہیں، کھلاڑیوں کی سیکیورٹی اولین ترجیح ہے، موجودہ
حالات میں پی سی بی کا ایک نمائندہ بھی آئی سی سی کے سیکیورٹی وفد میں شامل
ہوگا۔ خط میں مزید کہا گیا ہے کہ وفد 20 جنوری کو بنگلا دیش کا دورہ کرے
گا جس کی رپورٹ کا جائزہ لےکر حکومتی ہدایت پر ہی ٹیم بنگلا دیش بھجوائی
جائے گی۔
واضح رہے کہ بنگلا دیش میں 5 جنوری کو عام انتخابات کے
بعد بھی سیاسی کشیدگی تھمنے کا نام نہیں لے رہی جبکہ پرتشدد مظاہروں اور
جھڑپوں کے نتیجے میں سیکڑوں افراد ہلاک ہوچکے ہیں۔
کوئی تبصرے نہیں:
ایک تبصرہ شائع کریں